About fakataukitonga
'Oku talitali fiefia 'akimoutolu Kainga Tonga 'e he TASSY ELITE SERVICES ko e kautaha kuo lesisita fakalao ke fakahoko pisinisi 'i Aositelelia. Ko e taumu'a 'o e peesi ko'eni ke tokoni'i kimoutolu Kainga 'i hano fakahoko ha ngaahi tokoni ki homou ngaahi famili ki Tonga fakafou 'i hano totongi ha'a nau shopping ke ma'u hangatonu mei he ngaahi falekoloa 'oku fai e fengaue'aki mo kinautolu, 'i Tongatapu, 'Eua, Ha'apai pea mo Vava'u foki.
'Oku tokoni lahi 'a e tekinolosia ke toe vave ange 'a e ma'u hangatonu 'e ho ngaahi famili 'a e fakatau 'oku nau fiema'u 'i ho'o muimui pau pe he ngaahi fekau kuo teuteu'i 'e he Kautaha 'i he peesi ko'eni.
Our unique approach
Ko e ngaahi falekoloa 'oku mau fengaue'aki 'oku ma'u kotoa e koloa me'akai, ngaahi naunau fakama'a 'api pea mo 'uta foki. 'Oku 'osi teuteu'i pe 'a e ngaahi kaati keke fili ai, pea lava hake ho famili 'o 'ave 'enau fakatau fakatatau ki he kaati mo hono mahu'inga kuo ke fili.
Ko e totongi 'o e fakatau 'oku malu'i pe 'ehe peesi ni 'o a'u pe ki hono 'oatu e fakamahino mo e fika ke ma'u 'aki ho famili 'a e fakatau kuo ke totongi.
Why choose fakataukitonga?
'Oku mahino kiate kimautolu 'a e mahu'inga ke a'u ho'o mou fiema'u ki homou ngaahi famili, pea ko e makatu'unga ia hono teuteu'i 'oe peesi ko'eni ke malu mo papau mo toe falala'anga foki 'a e fakahoko fatongia. 'Oku toe fiema'u foki 'etau fengau'aki vaofi mo e fefalala'aki 'i he ngaue ni ke faingofua mo tau ikuna e taumu'a 'o e fetokoni'aki.
Our commitment
'Oku mau tukupa kemau fai homau lelei taha ke tokoni'i homou ngaahi famili. Kuo teuteu'i 'a e peesi 'aki 'a e faingofua taha ke tokoni kiate koe. Ko e tukupa kuo mau fakahoko 'e 'aonga lahi 'i ha'o falala mai.
"FakatauKiTonga has made it so easy for me to support my family back home. I trust that they're getting exactly what they need."
- A satisfied customer